چنے کی فصل کی برداشت سال 18-2017


پنجاب کے وسطی علاقوں میں چنے کی برداشت وسط اپریل میں شمالی علاقوں میں آخر اپریل سے شروع مئی میں کی جاتی ہے۔ پکی ہوئی فصل کی برداشت کی تاخیر سے ٹاڈ جھڑ نے کی وجہ سے پیداوار میں کمی کا احتمال ہوتاہے۔ لٰہذا 80 فیصد ٹاڈ پکنے پر برداشت کریں۔ برداشت کے لئے صبح کا وقت موزوں ہے۔ جس فصل سے بیج رکھنا مقصود ہو اس کی برداشت سے پہلے اسے غیر اقسام اور بیماری سے متاثرہ پودوں سے ضرور صاف کرلیں۔ کٹی ہوئی فصل کو دھوپ میں خشک کرنے کے بعد گہائی کریں۔ گہائی کے لئے تھریشر استعمال کریں۔ بیج کو خشک اور صاف کرکے سٹور میں محفوظ کرلیں۔ سٹور کو کیڑوں سے پاک کرنے کےلئے 7 کلو گرام لکڑی فی ہزار مکعب فٹ چلائیں۔ (درجہ حرارت 66 سینٹی گریڈ ) اور سٹور کو 48 گھنٹے تک بند رکھیں یا پھر سٹور میں محکمہ زراعت کے مقامی عملہ سے مشورہ کرکے موزوں زہر سپرے کریں۔ پرانی بوریوں کو پانی میں سفارش کردہ نسبت سے زہر ملا کر اس میں ڈبوئیں۔اور خشک کر لیں۔ مزید احتیاط کیلئے سٹور میں زہریلی گیس والی گولیاں بحساب 40 تا 50 گولیاں فی ہزار مکعب فٹ استعمال کرلیں۔