کاشتکاروں کو ادائیگیاں نہ کرنے پر حمزہ اور سلمان شہباز کی شوگرمل سیل


سرگودھا میں گنے کے کاشتکاروں کو واجبات کی عدم ادائیگی پرحمزہ شہباز اور سلمان شہباز کی ملکیتی العربیہ شوگر مل سیل کردی گئی،اے ڈی سی ریونیو شعیب نے ٹیم کے ہمراہ مل پر چھاپہ مارااورمل میں ذخیرہ کی گئی 4 لاکھ 25 ہزار سے زائد بوری چینی قبضہ میں لے لی۔ ذرائع کاکہنا ہے کہ مل انتظامیہ کے ذمہ گنے کے کاشتکاروں کے اربوں روپے واجب الادا ہیں،کچھ کاشتکاروں کو 2011 کے گنے کے سیزن کی تاحال ادائیگیاں نہیں کی گئی ہیں۔