گندم کی بوری 100 روپے مہنگی ہوگئی


کراچی اوپن مارکیٹ میں پیر کو گندم کی فی بوری کی قیمت میں 100 روپے کا اضافہ کر دیا گیا ہے جس کے نتیجے میں فی بوری گندم کی قیمت بڑھ کر 3459 روپے ہوگئی ہے۔

پاکستان فلور ملز ایسوسی ایشن کے چیئرمین جاوید یوسف نے  بتایا کہ پنجاب حکومت نے ڈیڑھ ماہ قبل ہی گندم کی سرکاری قیمت 3259 روپے مقررکردی تھی لیکن سندھ حکومت کی جانب سے تاحال گندم کی سرکاری قیمت کا تعین نہیں کیا گیا ہے۔

اوپن مارکیٹ میں گندم کی قیمت بڑھنے کے بعد آٹے کی قیمتوں میں اضافے کا خطرہ پیدا ہوگیا ہے۔